काठमाडौं – काठमाडौमा रहेको नामी कलेजले नेपाल रेडक्रस सोसाइटीको सहकार्यमा विद्यलालय तथा कलेजमा आधारभुत तथा माध्यमिक तहका विद्यार्थी, शिक्षक तथा कर्मचारीहरूका लागि विपद् जोखिम न्यूनीकरण, भूकम्प तथा आगलागी सुरक्षा अभिमुखीकरण र व्यावहारिक अभ्यास सञ्चालन गरेको छ।

कार्यक्रममा सहभागीहरूलाई भूकम्प तथा आगलागी हुनुअघि, भइरहेको बेला र त्यसपछि अपनाउनुपर्ने सुरक्षा उपाय, आपत्कालीन निकास, सुरक्षित स्थानमा पुग्ने प्रक्रिया, जोखिम पहिचान तथा आपत्कालीन अवस्थामा शान्त र संयमित भएर प्रतिक्रिया दिने तरिका बारे जानकारी तथा ब्यवहारीक ज्ञान दिइएको थियो । साथै कार्यक्रममा व्यावहारिक सुरक्षा अभ्यासमार्फत विद्यार्थीहरूले सिकेका कुरालाई प्रत्यक्ष रूपमा अभ्यास गराइएको थियो।

कार्यक्रममा सहभागि विद्यार्थीहरूले विपद् पूर्वतयारी, सुरक्षा सचेतना, अनुशासन, सहकार्य र जिम्मेवारीको भावना विकास गर्दै आपत्कालीन अवस्थामा आफू र अरूको सुरक्षाका लागि सही निर्णय लिन सक्ने आत्मविश्वास तथा अभिवृद्धि भएको बताएका छन ।

नामी कलेजले सुरक्षित र विपद्का लागि तयार विद्यालय समुदाय निर्माणका लागि यस्ता व्यावहारिक सिकाइ तथा सुरक्षा कार्यक्रमलाई निरन्तर प्राथमिकता दिँदै आएको छ। कलेजले यस अघि पनि यस्ता प्रकारका कार्यक्रमहरु गदै आइरहेको छ ।