पोखरा – राष्ट्रिय आविष्कार केन्द्रका संस्थापक तथा म्याग्दीबाट निर्वाचित सांसद महावीर पुनले फेरि आफ्नो आत्मकथा बेच्न सडकमा निस्किने भएका छन् ।

आफ्नो आत्मकथा बिक्री गर्दै देश दौडाहा गरिरहेका पुनलाई सडकमा बसेर किताब नबेच्न र यो कानुन विपरीत भएको भन्दै धेरैले सुझाएका थिए । पुनले फेसबुकमा स्टाटस लेख्दै नदीपुरमा किताब बेच्न लागेको जानकारी गराए । ‘शपथ ग्रहण हुने छाँटकाँट अझै देखिएको छैन । त्यसैले आज बिहान १० बजेदेखि नदीपुरको बालमन्दिर देखि ५० मिटर पश्चिमतिर रहेको सिंगापुर क्याफेको छेउमा मेरो आत्मकथाको किताब बेच्नेछु,’ उनले भने ।

निर्वाचित भएपछि केही दिन किताब बेचेका उनले पछिल्लो समय म्याग्दीका ६ वटै स्थानीय तहमा पुगेर जनप्रतिनिधि र स्थानीयसँग विकास र बजेटबारे छलफल सकेर फर्किएका छन् । अझै शपथ नहुने देखेपछि किताब बेच्न निस्किएको उनले सुनाए । ‘अनि के गरेर बस्ने त नि मेयर साहब रु गाह्रो पिरो नमान्नु होला,’ पुनले अघि भने । पुनले आफ्नो आत्मकथा बिक्रीबाट आएको रकम वीरगन्जमा रहेको कृषि औजार कारखाना पुनः सञ्चालनका लागि खर्च गरिरहेको बताएका छन् ।