-
काठमाडौं, जेठ २८ – नामी ग्रुप अफ कम्पनीजले आगामी जेठ ३० गते, २०८३ (जुन १३, २०२६) मा जोरपाटीस्थित नामी इन्टरनेशनल स्कुल परिसर, गोकर्णेश्वर–७, काठमाडौं* मा ‘नामी ओपन हाउस कार्निभल २०८३’ आयोजना गर्ने भएको छ। आयोजकका अनुसार कार्यक्रममा ८ हजारभन्दा बढी व्यक्ति सहभागी हुने अनुमान गरिएको छ।
शिक्षा, नवप्रवर्तन, युवा सशक्तीकरण तथा सांस्कृतिक अभिव्यक्तिलाई प्रवर्द्धन गर्ने उद्देश्यसहित आयोजना हुन लागेको यस कार्निभलमा विद्यार्थी, अभिभावक, शिक्षक, पूर्वविद्यार्थी तथा विभिन्न क्षेत्रका व्यक्तिहरूको उल्लेखनीय सहभागिता रहने अपेक्षा गरिएको छ।
कार्यक्रम अन्तर्गत शैक्षिक जानकारीमूलक प्रदर्शनी, करियर मार्गदर्शन, अनुभवमूलक सिकाइ गतिविधि, सांस्कृतिक कार्यक्रम तथा युवामैत्री विविध आकर्षणहरू समावेश गरिनेछन्। यसले सहभागीहरूलाई ज्ञान, सीप र सिर्जनात्मकताको आदानप्रदान गर्ने अवसर प्रदान गर्ने विश्वास लिइएको छ।
कार्निभलको विशेष आकर्षणका रूपमा नेपालका लोकप्रिय सांगीतिक समूह *कुमा सागर एण्ड द ख्वपा, द हुलाकी र भीजेडएन (VZN) को सांगीतिक प्रस्तुति रहनेछ। साथै, नयाँ पुस्ताका प्रतिभावान कलाकारहरूले पनि आफ्नो कला प्रस्तुत गर्ने अवसर प्राप्त गर्नेछन्।
सन् २०१२ देखि शिक्षा क्षेत्रमा सक्रिय नामी ग्रुप अफ कम्पनीजले विद्यालय, कलेज, स्नातक तथा स्नातकोत्तर तहमा गुणस्तरीय शिक्षा प्रदान गर्दै आएको छ। आधुनिक शिक्षण पद्धति, अनुसन्धान तथा अन्तर्राष्ट्रिय सहकार्यमार्फत संस्थाले नेपाली शिक्षाक्षेत्रमा विशिष्ट योगदान पुर्याउँदै आएको छ।
आयोजकका अनुसार *‘नामी ओपन हाउस कार्निभल २०८३’* शिक्षा र मनोरञ्जनलाई जोड्ने एक विशेष अवसरका रूपमा स्थापित हुनेछ, जसले युवाको क्षमता अभिवृद्धि, सांस्कृतिक सद्भाव र सामुदायिक सहकार्यलाई थप मजबुत बनाउने अपेक्षा गरिएको छ। कार्यक्रमले सहभागीहरूलाई मनोरञ्जनसँगै प्रेरणा र सिकाइको अनुपम अनुभव प्रदान गर्ने विश्वास गरिएको छ।
